សិប្បកម្មស្ករត្នោតក្លែងក្លាយ ចំនួនន៤ទីតាំងធំៗត្រូវបានអាជ្ញាធរស្រុកបាទី បង្ក្រាប ក្រោយកើតឡើងវិញ

តាកែវ ៖សិប្បកម្មលួចផលិតស្ករត្នោតក្លែងក្លាយ ចំនួន៤ទីតាំងធំៗនៅក្នុងភូមិព្រៃខ្លា ឃុំកុមារាជា ស្រុកបាទី ត្រូវបានអាជ្ញាធស្រុកបាទី ខេត្តតាកែវ សហកា...

តាកែវ៖សិប្បកម្មលួចផលិតស្ករត្នោតក្លែងក្លាយ ចំនួន៤ទីតាំងធំៗនៅក្នុងភូមិព្រៃខ្លា ឃុំកុមារាជា ស្រុកបាទី ត្រូវបានអាជ្ញាធស្រុកបាទី ខេត្តតាកែវ សហការជាមួយមន្រ្តីជំនាញកាំកុងត្រូលនិងមន្ទីរសិប្បកម្មខេត្តតាកែវ ចុះបង្រ្កាបដោយរឹបអូសវត្ថុតាងមួយចំនួនយកទៅរក្សាទុកនៅសាលាស្រុកបាទី ។ ដោយឡែកចំពោះស្ករដែលបានកែឆ្នៃហើយត្រូវបានដុតបំផ្លាញចោលតែម្ដង។ លោក ភួន ឈីម អភិបាលស្រុកបាទី ថ្លែងថា បញ្ហាលួចផលិតស្ករត្នោតក្លែងក្លាយ ដោយយកស្ករសរ លាយជាមួយទឹកនិងប្រេងឆាមកកែឆ្នៃជាស្ករត្នោតនេះ កន្លងមកអាជ្ញាធស្រុកបាទី បានកោះហៅម្ចាស់ទីតាំងផលិតទាំងជាង៤០ទីតាំងនៅក្នុងស្រុកបាទីមកអប់រំនិងបានចុះបង្រ្កាបជាច្រើនលើកច្រើនសារមកហើយ ។ ក៏ប៉ុន្តែបងប្អូនប្រជាពលរដ្ឋមួយចំនួននៅតែបន្តលួចលាក់ផលិត បើទោះបីជាដឹងថា នេះជាទង្វើខុសច្បាប់យ៉ាងណាក៏ដោយ ដោយបងប្អូនសំអាងថាគ្មានមុខរបរធ្វើក្រៅពីរបរនេះទេ ។ ហេតុដូចនេះ ទើបអាជ្ញាធស្រុករួមនឹងមន្រ្តីពាក់ព័ន្ធបានឆ្មក់ចុះមកបង្រ្កាប ដោយរឹបអូសវត្ថុតាងមួយចំនួននិងបានដុតបំផ្លាញចោលស្ករត្នោតដែលកែឆ្នៃរួចមួយចំនួនធំ ទៅតាមការបញ្ជារបស់លោកព្រះរាជអាជ្ញាអមសាលាដំបូងខេត្តតាកែវ ។

លោកអភិបាលស្រុកបាទីបានមានប្រសាសន៍បន្តថា ការយកស្ករសរមកកែឆ្នៃជាស្ករត្នោតដាក់លក់នៅលើទីផ្សារនេះវាជាទង្វើខុសច្បាប់ ដូច្នោះអាជ្ញាធរស្រុកនិងអាជ្ញាពាក់ព័ន្ធនឹងបន្តបង្រ្កាប ដោយមិនអនុញ្ញាតិឲ្យមានការកែឆ្នៃដោយខុសច្បាប់នេះកើតឡើងទៀតនោះទេ ហើយអ្នកដែលបន្តលួចផលិត បើអាជ្ញាធចាប់ខ្លួនបាននិងត្រូវបញ្ចូនទៅតុលាការដើម្បីចាត់ការទៅតាមច្បាប់ដោយគ្មានយោគយល់ទៀតទ្បើយ។ នៅក្នុងឱកាសនោះ លោកអភិបាលស្រុកបាទី ភួន ឈីម បានធ្វើការអំពាវនាវឲ្យបងប្អូនប្រជាពលរដ្ឋដែលលួចលាក់ផលិតស្កត្នោតក្លែងក្លាយនេះ ឲ្យបញ្ឈប់សកម្មភាពខុសច្បាប់តទៅទៀត ហើយងាកទៅប្រកបមុខរបផ្សេងដែលត្រឹមត្រូវទៅតាមច្បាប់ ម្យ៉ាងទៀតការលួចផលិតស្កត្នោតក្លែងក្លាយនេះវាមិនត្រូវទេ ហើយតែជាទង្វើខុសច្បាប់ ម្យ៉ាងទៀតនោះ វាក៏បានបំផ្លាញសុខភាពបងប្អូនប្រជាពលរដ្ឋដែលទិញស្ករនេះទៅប្រើប្រាស់ ជាពិសេសវាបានប៉ះពាលដល់ផលិតផលស្ករឆ្នោតគេពិតប្រាក ដែលយកទឹកត្នោតមកកែឆ្នៃធ្វើជាស្ករត្នោត ហើយស្ករត្នោតពិតប្រាកដនេះមានការទទួលស្គាល់ពីបងប្អូនប្រជាពលរដ្ឋ ឬក្រសួងថែមទៀត និងមានការចេញទៅក្រៅប្រទេស ទៀតផង៕
 ប្រភព៖ https://www.edition.cpc-news.com